Back

ⓘ मधेसतिर (कथा)



                                               

मोदिआइन

यो सानो आकारको तर महत्त्वपूर्ण उपन्यास हो । हजारौं वर्षअघिको महाभारतीय युद्धकथा यसको विषयवस्तु हो । त्यस युद्धमा लाखौं विधवा नारीको प्रेतात्मा प्रतिनिधि नारीका रूपमा मोदिआइन प्रस्तुत उपन्यासकी प्रमुख पात्रलाई विचित्रता साथ संयोजन गरिएको छ । युद्धको परित्याग र शान्ति स्थापना यसको सन्देश हो । अर्जुनलाई प्रेरित गरेर त्यत्रो युद्ध गराए कृष्णले तर आखिर सबैले छोडेर जानुप¥यो । त्यत्रो नरसंहारक युद्धको उपलब्धी के त? वि.पी. को चिन्तन विश्लेषण यस उपन्यासमा प्रस्ट छ – युद्धत्याग अनि शान्ति स्थापना ।

                                     

ⓘ मधेसतिर (कथा)

मधेसतिर कथाकार विश्वेश्वरप्रसाद कोइरालाको दोषी चस्मा कथासङ्ग्रहमा बिसं २००६ सालमा प्रकाशित कथा हो । यस कथामा सामाजिक तथा मनोवैज्ञानिक समस्यालाई वा मानवीय जीवनमा देखा पर्ने आर्थिक एवम् जैविक द्वन्द्वलाई सजीवरूपमा प्रस्तुत गर्ने काम भएको छ ।

                                     

1. कथा सारांश

विधवा र गोरे यस कथाका मुख्य पात्रहरू हुन । यी दुबैका आ–आफ्नै समस्या छन् । गोरेको जीवनले आर्थिक समस्यालाई देखाइएको छ भने विधवाको जीवनले मनोवैज्ञानिक समस्यालाई औंल्याइएको पाइन्छ । आर्थिक र यौनजन्य समस्यालाई चित्रण गर्न अन्य तीन जना पात्रहरूलाई पनि समावेस गरिएको छ । यस कथाकी नायीका विधवामा कामवासना सम्बन्धि पीडा छ भने गोरेमा दैनिक गुजारा कसरी चलाउने भन्ने समस्या छ । जीवनका आधारभूत द्वन्द्वमा फसेका यी दुबै पात्र कुनै न कुनै संगतीको खोजीमा पहाडबाट मधेस झर्दैछन् । वास्तवमा यस कथामा विधवाका माध्यमबाट यौन अतृप्तिलाई देखाइएको छ । यौन अतृप्ति मानिसको जीवनमा अत्यन्त कष्टकर हुन्छ । यही अनुभूतिलाई यस कथाको विषय बनाइएको छ भने आर्थिक समस्या गौण रूपमा प्रकट गरिएको छ । यौनतृप्तिको आकांक्षालाई सामाजिक बन्धन, नैतिकता वा मानसिक सोचाइले गर्दा यौनेच्छा पूर्ण हुन पाउँदैन । यौनेच्छा पूर्ण हुन नपाउँदा त्यसबाट असाध्यै ठूलो कष्ट वा पीडा हुन्छ भन्ने बिषयलाई नाटकीयकरण गरी यस कथामा प्रस्तुत गरिएको छ । यस कथाकी विधवा बाह् वर्षकै कलिलो उमेरमा विधवा हुन पुगेकी थिइन् । क्रमश उमेर चढ्दै गएपछि उसभित्र यौनेच्छा जाग्दछ र त्यो पूरा हुनसक्दैन । त्यसैले त्यो विधवा सम्पन्न भएर पनि सुखी दाम्पत्यजीवन बिताउन वा आफ्नो अतृप्त यौनेच्छालाई तृप्ति दिने आन्तिरिक चाहानाले झर्दैछे । विधवाले मधेस झर्दा पैसा र गहनाको पोको लिएर झरेकी हुन्छे । त्यसबाट कुनै युवक आकर्षित गर्ने र त्यसलाई आफ्नो पति बनाउने, घरजग्गा लिने र छोरो पाउने जस्ता उसभित्र अतृप्त यौनको तृप्तिको चाहना विद्यमान थिए । त्यसैले बाटोमा भेटिएका चारजना यात्री मध्ये गोरे भन्ने युवकलाई आफ्नो लोग्ने बनाउने र मधेसमा राम्रो घरबारी लिएर जीवन बिताउने सुरले गहनाको लोभ देखाउँछे ।तर गोरे राति सुतेकै बेलामा विधवाको गहनाको पोको चोरेर भागेपछि उसको त्यो यौन तृप्तिको चाहनामा ठूलो बाधा आइलाग्छ । यसबाट उसको जीवन झन् दुखद् र करुणामय बन्न पुग्छ । वास्तवमा उसको अतृप्त यौनेच्छा अचेतनमा दमित हुन पुग्दा कष्टदायी बन्न गएको छ । गोरेले गहना र पैसाका पोको चोरेर भागेपछि विधवा यौन समस्याकासाथै आर्थिक समस्यामा पनि पर्छिन् । उनका सारा सपनाहरू चकनाचुर हुन पुग्छन् । उता गोरे, भोटे र धने जस्ता पात्रहरू रोजीरोटीको समस्याले सताइएका छन् ।

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →